Početna / Istaknuto / Pismo Zlateku u Zagreb

Pismo Zlateku u Zagreb

foto: in portal
foto: in portal

 

vitomiraloncar

 

 

 

    Piše: Vitomira Lončar

 

 

 

 

 

Dragi Zlatek,

Dobila sam ovih dana nekoliko novina prek Presscuta jer si moju Slamkicu, čujem, del v svoju predstavicu.

Piše nekaj da je Slamkica med coprnicami, tak nekak. V Reki sam na gačami, pri tebi med coprnicami.

A kaj reči, tak je kak je.

Nigdar ni bilo da ni nekak bilo.

Pak sam se setila da ti nisam čestitala kaj si postal savetnik za kulturu našega gradonačelnika.

A usput, velim, uz čestitku, da ti i rečem neke stvari kaj mi se čini da bi možda mogel složiti, sad kad si blizu Mikija.

Vidim da si, mam kak si postal savetnik, Histrionima zriftal prek Aktih gradonačelnika tristo hiljada kuna, a bome i Lustigu je kapnulo dodatnih 400 hiljada kapljic. Pak si mislim, ak moreš peneze zriftati, možda moreš vrediti i neke druge stvari kaj me mučiju v toj našoj kulturi.

Sad kad si zel štafetu savetnikovanja od Duškeca z Kerempuha, lakše dišem, a nadam se da bu i naše kazališče takaj prodihalo. On je se kaj su ga grdo pogledali hitil na sud, kaj da je naš, z Zagorja, a ne z Glibodola, tam z Like. Ja sam mislila da se preveč z tobom družil pa da je navčil onu našu staru: Se bum vas tužil. Ali vidim zadnje vreme da se nekak nemaš ž njim najbolše.

Kak je to došlo?

Negda ste si baš bili prijatelji, i nogomet ste igrali, nateravali ste se tam po Brijunima, a ve vidim – se je na pas mater.

Kaj ti je napravil? Te je morti za kakove peneze fkanil?

Ve, da si ti savetnik, fino ti Mikiju reči da bu Duškec skoro imal 67 let i nek ga sam v pemziju hiti, pa bu mam mir. Ja ti mislim da je praf dost bilo te njegove družine kaj nam je na glavi bila tulike let.

Kaj je preveč – preveč je.

No, Zlatek, zakaj ti pišem.

Šaljem ti jenu malu analizicu, da si premisliš, morti se kaj da napraviti da se ta naša zagrebačka kultura malo v red dopelja.

Zasigurno znaš, dragi Zlatek, da je vlani novu upravu dobilo kazališče Gavella, ZeKaeM, Črešnja, HNK, a drugo leto je na redu i Žar ftica. Ah, da, prije leto i pol i Kerempuh i Komedija dobili su stare/nove direktore, a i v Zagrebačkom kazališču lutaka sede novi ljudi.

Sad kad si postal savetnik, moram ti reči da ono kaj su novi direktori (si od reda!) napisli v programima – nije ni blizu onom kaj se v kazališčima dela.

Dobro, znamo da nisu si napisali ono kaj su potpisali, ali meni se vidi, dragi Zlatek, da bi za ono kaj su potpisali – morali nekome i odgovarati.

Kome?

Nekome.

Kajjaznam.

Morti ti znaš?

Kaj baš nikoga ne zanima kaj se v javnim kazališčima dela?

Sigurno si čul da je neki dan v Zagrebu bil veliki cirkus z dečkima kaj ih je naša Zagorka Sandrica Švaljek zmontirala v Zagrebačkoga holdinga. Sandrica je rekla da su dečki najbolši, ali je onda došel Miki z «privremenog odsustva», kak su rekli, i se ih je pohital vun. Nogom vrit.

Čuj, Zlatek, a da ga pitaš, daa bu i v kulturi počel hitati vun one kaj ne delaju kak treba?

A bu to skoro?

Sad kad si tam blizu, a bi ti morel Mikija pitati, zakaj je onaj Darko Stazić moral opasti z direkture na mesto «višeg stručnog savjetnika»?

Zakaj je to takova tajna?

Buš nam ju otkril?

Kaj je zglajzal?

Jako me to zanima, a nekak mi se vidi da nas je jako puno kaj bi to šteli znati.

Znaš da je sad direktor v Gavelli Boris Svrtan, koji je v svom programu napisal da bu za šest meseci se analiziral kaj se tam događa.

Ja ti iščem po tim stranicama Gavelle sim pa tam, ali nikakove analize nema pa nema.

A znaš ti morti kaj o tome?

A si ti ko savetnik videl tu analizu?

A morti znaš je li Svrtan otprl tu novu scenu z Mamutima i napravil novoga krova di bu nova pozornica, kak je i obećal?

Meni se po njegovom planu z kojim je pobedil Snješkicu vidi da je se već trebalo biti fertik.

I on je naš Zagorec, pa ne bi pisal nekaj kaj ne bi napravil, kaj ti veliš na to?

A slično kak i z novim pozornicama mu je i z predstavami: od osam kaj ih je najavil da bu napravil do leta 2016., sam ih je tri složil kaj su na papiru. Pet komadov je čist nekaj drugoga od onoga kaj je obečal.

Kaj ga je to onaj Stazić tak savetoval, da jeno piše, a drugo dela? Kaj misliš? Ja ti mislim, more biti!

V ZeKaeM-u, tam di si igral Ujaka Vanju, se zmisliš, nisu za novu sezonu ostavili ni jenog pisca kaj su ga v programu obečali.

Zakaj, ja ti se pitam? Kam su zginuli ti kaj su pisali da buju ih igrali?

O Komediji i Kerempuhu bole da ti ne govorim. Tam je inšpekcija našla takove stvari da te Bog oslobodi, a oba dečeca i Ljuština i Pavlović, i dalje se po kazališčima huncaju kak da je se v redu.

A bi ti mogel savetovati gradonačelnika da malo to v red dopelja? Sam ga podseti da je još prije dva leta v Skupščini rekel da si kaj su prek 65 idu v pemziju, a da su mu ova dva ostala.

Za seme?

Kaj ih je pozabil?

Pa kak je mogel pozabiti da je v Komediji tulike penez prešlo dragi Bog zna kam, ali v žepe umetnikov sigurno ni.

Ni v Komediji ni v Kerempuhu se ne igra kaj se v programima na natječaj napisalo da se bu igralo.

Kaj su pozabili kaj su pisali i zakaj su ih zebrali?

Praf za praf, na Trgu maršala je najbolše: Dubravka Vrgoč v svom programu ništ nije ni obećala pa ništ niti ne mora pravdati zakaj ne igra kaj je rekla da bu igrala!

Kaj god dene – dobro je!

Ionak si šutiju kakti ribe. Cvikaju ti, cvikaju, dragi Zlatek, ima ih na klaftre, ali čkome. A ja si mislim, ak čkome, tak nek im i bu. Nek hodaju okolo po firtlima, popevaju, dižu noge kak da se razgibavaju, naj si recitiraju.

Nek im delaju kaj god oče, da se ne vupaju ni reč reči.

A kaj se programov tiče, ja ti mislim, dragi Zlatek, da te vražnje programe nigdo ni ne čita.

Baš si gledim kaj piše novi direktor Žar ftice Dragec Utješanović: da bu za decu igral operu i balet. A ni jedan jedini komad kaj ga je napisal da bu igral za četiri leta, nema ništ ni z operom ni z baletom.

Morti se on to šali?

Družina kaj ga je zebrala da bu direktor je napisala, to ti citiram: «Posebno je zanimljiva i hvalevrijedna intencija da se djeci približe i drugi oblici scenskog stvaralaštva kao što su opera, balet ili suvremeni ples…»

Dragec je za sako leto napisal se kaj bu igral, ali – opere i baleta ga ni.

Rekla bi moja pokojna babica, da ga šilom vrit pičiš – ni ga je!

Za Lutke više opče ne znaš ni da postoje, Zginule su. Dubrava se negde po putu zgubila, Črešnja pod Višnjom još uvek spi i ne zna se kaj buju novega složili za mesec dni, cela jena regimenta centrov za kulturu dela kak kome pane na pamet, delaju ikak i sikak, a nigdo ih za nikaj ne pita.

V glazbu se ne bum ni pehala. To ti meni, Zlatek dragi, zgledi kak da buju neki i v reštu završili z Koncertne direkcije. Kaj se tam događa, ajngeleki nek znaju.

Jeno je sigurno, reda ga je ni.

Dragi Zlatek, sad kad si ve postal savetnik od Mikija, buš ti malo potegnul da se to skup na pravo mesto dojde?

Gdo bu, ak ti neš?

Pa ne buš valjda sam na svoju rit mislil?

Zlatek!

Meni ti se vidi da se z kulturom nigdo neće baviti i da nikog ni briga za to kak mi živimo i kaj delamo.

Zato te lepo prosim, dragi Zlatek, da pozoveš Mikija na jednu kupicu lajnskoga histriončeka, i da mu predložiš da se malo reda napravi v tom našem kazališču i opće v kulturi jer, kak se meni vidi, ak se nekaj ne napravi, vrag nas bu se zel.

Ili kak stara pesma veli, Turčin potukel nas se bu.

Puno pozdravljam se tvoje coprnice i coprnjake z ufanjem da se nekaj ipak bu premenilo. Nigdo si ne misli da buš postal novi Matija Gubec, naj se brigati. I pazi se kaj te od posla cuker ne strefi.

Ali ak buš čkomil i kričal samo da se bu o tvojoj riti delalo, zapamti si da bu ih bilo kaj buju to – zapamtili.

I v črni knjigi Slamke spasa buju tvoje huncutarije zanaveke zapisane!

P. S. Ja ti baš nis za more, pa ti predlažem da malo prejdeš dole do Raguze i poglečneš si kaj se tam dela. Sprečitaj si ovega teksta kaj ga je Snješkica napisala, kaj se malo pripremiš za ono kaj te čeka.

P. P. S. S. Dragi Zlatek, još te nekaj moram pitati, ali onak, da ne čuju baš si. Čuj, a je Šipuš naš?

 

Izvor: Slamka spasa – Večernjakova blogosfera!

 


Facebook komentari

Kontra Portal

Portal svih onih koji žele nešto reći!

Provjeri i ovo

BJELOGLAVI SUPOVI ODLETJELI U SMRT (je li ovo kraj SUPer priče?)

I tako pjevaju Joe Cocker i Jennifer Warnes: ”Tko zna što donosi sutra u svijetu …

Odgovori

Vaša adresa e-pošte neće biti objavljena. Nužna polja su označena s *

4 × 5 =